١١٦٦ - Transmetohet nga Jezid bin el-Bera bin Azibi – i cili ishte guvernator në Oman dhe ishte ndër guvernatorët më të mirë – se ka thënë: Ka thënë babai im: "Mblidhuni që t'ju tregoj se si merrte abdest i Dërguari i Allahut (s.a.v.s.) dhe si falej; sepse unë nuk e di edhe sa do të zgjasë shoqërimi im me ju." Ai (Jezidi) tha: Kështu, ai mblodhi bijtë e tij dhe familjen e tij dhe kërkoi ujë për abdest. Ai shpëlau gojën, shpëlau hundën dhe lau fytyrën e tij tri herë. Lau dorën e tij të djathtë tri herë dhe lau këtë tjetrën tri herë – d.m.th. të majtën. Pastaj fshiu kokën e tij dhe veshët e tij, anën e jashtme dhe të brendshme të tyre. Pastaj lau këtë këmbë – d.m.th. të djathtën – tri herë dhe lau këtë këmbë – d.m.th. të majtën – tri herë. Pastaj tha: "Kështu, nuk kam lënë asgjë mangët pa ju treguar se si merrte abdest i Dërguari i Allahut (s.a.v.s.)."