Koment: E ka transmetuar Taberaniu në "El-Kebir" dhe ka thënë: "Këtë hadith nuk e ka transmetuar nga Ejubi, prej Utbes, askush përveç Hammad bin Muhamedit. Hammad bin Muhamedi ka transmetuar edhe hadithin tjetër, dhe që të dy sipas meje janë të saktë. Duket se ai e ka dëgjuar hadithin e parë nga Pejgamberi (s.a.v.s.) para këtij, pastaj e ka dëgjuar këtë më pas, kështu që ky u përputh me hadithin e Busres, Umm Habibes, Ebu Hurejres, Zejd bin Halidit dhe të tjerëve, prej atyre që kanë transmetuar nga Pejgamberi (s.a.v.s.) urdhrin për marrjen e abdestit pas prekjes së organit mashkullor; kështu ai ka dëgjuar shfuqizuesin (nasikh) dhe të shfuqizuarin (mensukh)."