Transmeton Seid ibn el-Musajib se një ensari, kur ishte në prag të vdekjes, tha: Po ju tregoj një hadith që po ua përcjell vetëm për të fituar shpërblimin e Allahut. E kam dëgjuar të Dërguarin e Allahut (s.a.v.s.) duke thënë: "Nëse ndonjëri prej jush merr abdest dhe e merr atë në mënyrën më të mirë, pastaj niset për namaz, ai nuk hedh hap me këmbën e tij të djathtë vetëm se Allahu i Madhëruar i shkruan një mirësi, dhe nuk hedh hap me këmbën e tij të majtë vetëm se Allahu i Madhëruar i fshin një gjynah. Secili prej jush mund të jetë afër apo larg xhamisë; nëse vjen në xhami dhe falet me xhemat, ai do të falet. Nëse vjen në xhami kur njerëzit kanë falur një pjesë të namazit dhe ka mbetur një pjesë tjetër, ai fal atë që arrin dhe plotëson atë që i ka ikur, e do të ketë të njëjtin shpërblim. Edhe nëse vjen në xhami kur njerëzit e kanë përfunduar namazin, ai do të ketë të njëjtin shpërblim."