Transmeton Jezid bin Amiri: Erdha ndërsa Pejgamberi (s.a.v.s.) ishte duke falur namazin. U ula dhe nuk u bashkova me ta në namaz. I Dërguari i Allahut (s.a.v.s.) u kthye nga ne dhe kur e pa Jezidin të ulur, i tha: "A nuk ke pranuar Islamin, o Jezid?" Ai u përgjigj: "Po, o i Dërguari i Allahut, kam pranuar Islamin." Ai i tha: "Çfarë të pengoi të hysh me njerëzit në namaz?" Ai u përgjigj: "E kisha falur namazin në shtëpinë time dhe mendova se ju tashmë e kishit falur." Atëherë ai tha: "Kur të vish për namaz dhe t'i gjesh njerëzit duke u falur, falu bashkë me ta, edhe nëse e ke falur më parë. Ky do të jetë namaz nafile për ty, ndërsa ai (i pari) llogaritet si i obligueshëm."