Ebu el-Esh’ath es-San’ani transmeton: se ai shkoi në xhaminë e Damaskut herët në mesditë dhe takoi Shedad ibn Evsin [el-Ensariun], ndërsa es-Sunabihiu ishte me të. Unë i thashë: "Ku po shkoni, Allahu ju mëshiroftë?" Ata u përgjigjën: "Po shkojmë këtu te një vëlla i yni nga Egjipti i cili është i sëmurë, për ta vizituar." Kështu, unë shkova me ta derisa hynë te ai njeri dhe i thanë: "Si u zgjove këtë mëngjes?" Ai u përgjigj: "U zgjova me mirësi." Shedadi i tha: "Përgëzohu me shlyerjen e të këqijave dhe heqjen e gjynaheve, sepse e kam dëgjuar të Dërguarin e Allahut (s.a.v.s.) duke thënë: 'Vërtet, Allahu thotë: Nëse e sprovoj një rob nga robërit e Mi besimtarë, dhe ai më lavdëron Mua për atë me të cilën e sprovova, atëherë vazhdoni t'i jepni atij (shpërblimin) ashtu siç ia jepnit kur ishte i shëndoshë'."