Transmetohet nga Enesi, i cili ka thënë: I Dërguari i Allahut (s.a.v.s.) ka thënë: "Kush dëshiron takimin me Allahun, Allahu dëshiron takimin me të, dhe kush e urren takimin me Allahun, Allahu e urren takimin me të." I thashë: "O i Dërguari i Allahut, të gjithë ne e urrejmë vdekjen!?" Ai tha: "Nuk bëhet fjalë për urrejtjen ndaj vdekjes, por kur besimtarit i vjen vdekja, atij i vjen përgëzuesi prej Allahut, dhe asgjë nuk është më e dashur për të sesa takimi me Allahun, prandaj Allahu e do takimin me të. Ndërsa kur mëkatarit apo jobesimtarit i vjen vdekja, i paraqitet ajo e keqe drejt së cilës po shkon ose ajo e keqe që do të hasë, kështu që ai e urren takimin me Allahun, prandaj edhe Allahu e urren takimin me të."