3920 - Dhe nga Xhabiri transmetohet se ka thënë: "E kam dëgjuar Omerin duke i thënë Talha bin Ubejdullahut: 'Përse të shoh të shpërndarë e të pluhurosur që kur ka ndërruar jetë i Dërguari i Allahut (s.a.v.s.)? Ndoshta ajo që të mundon është udhëheqja e djalit të axhës tënd?' Ai tha: 'I mbështetem Allahut! Vërtet, unë e kam dëgjuar atë (Pejgamberin) duke thënë: "Unë e di një fjalë, të cilën nuk e thotë asnjë njeri kur i afrohet vdekja, veçse shpirti i tij do të gjejë lehtësim përmes saj derisa të dalë nga trupi i tij, dhe ajo do të jetë dritë për të në Ditën e Kiametit", por unë nuk e pyeta të Dërguarin e Allahut (s.a.v.s.) për të dhe as ai nuk më tregoi për të! Kjo është ajo që më ka shqetësuar!!' Omeri tha: 'Vërtet, unë e di atë.' Ai tha: 'Falënderimi i takon Allahut; po cila është ajo?' Omeri tha: 'Është fjala të cilën ai ia tha axhës së tij.' Ai tha: 'Të vërtetën e thave!'"