٣٩٥٦ - Transmetohet nga Muadh bin Xhebeli se i kishte vdekur një djalë, kështu që i Dërguari i Allahut (s.a.v.s.) i shkroi atij për t'i shprehur ngushëllime për të birin. Ai i shkroi: "Me emrin e Allahut, të Gjithëmëshirshmit, Mëshirëplotit. Nga Muhamedi, i Dërguari i Allahut, drejtuar Muadh bin Xhebelit. Paqja qoftë mbi ty. Unë e lavdëroj Allahun para teje, Atë përveç të Cilit nuk ka zot tjetër (të denjë për adhurim). Më tej: Allahu ta madhoftë shpërblimin, të frymëzoftë me durim dhe na furnizoftë ne dhe ty me falënderim. Vërtet, vetet tona, pasuritë tona dhe familjet tona janë prej dhuntive të këndshme të Allahut dhe prej huave të Tij të lëna në amanet. Allahu të dha mundësi të kënaqeshe me të me gëzim e lumturi, dhe pastaj e mori atë prej teje në këmbim të një shpërblimi të madh me bekime, mëshirë dhe udhëzim, nëse ti e llogarit atë si shpërblim tek Ai. Prandaj, bëj durim dhe mos lejo që dëshpërimi yt ta asgjësojë shpërblimin tënd, e pastaj të pendohesh. Dije se dëshpërimi as nuk e kthen të vdekurin dhe as nuk e largon trishtimin; ndërsa ajo që është e caktuar të ndodhë, tashmë konsiderohet e ndodhur. Paqja qoftë mbi ty."