٣٩٨٦ - Dhe nga Burejdeja transmetohet se ka thënë: «Isha pranë Pejgamberit (s.a.v.s.) kur atij i erdhi lajmi se një gruaje prej Ensarëve i kishte vdekur djali dhe ajo ishte pikëlluar jashtë mase për të. Pejgamberi (s.a.v.s.) u ngrit së bashku me shokët e tij dhe, kur arriti te dera e gruas, asaj i thanë: "Pejgamberi i Allahut (s.a.v.s.) dëshiron të hyjë për të të ngushëlluar." I Dërguari i Allahut (s.a.v.s.) hyri dhe tha: "Më ka arritur lajmi se ti je pikëlluar shumë për djalin tënd!" Ajo tha: "O Pejgamber i Allahut, si të mos pikëllohem kur unë jam 'rakub' (grua që nuk i rrojnë fëmijët) dhe asnjë fëmijë nuk më mbetet gjallë?!" Atëherë i Dërguari i Allahut (s.a.v.s.) tha: "Përkundrazi, 'rakub' është ajo së cilës i jetojnë fëmijët (për t'i lënë pas). Vërtet, çdo gruaje muslimane apo burri musliman që i vdes një frymë — ose tha: tre prej fëmijëve të tij — dhe ai e llogarit shpërblimin e kësaj tek Allahu, i bëhet i detyrueshëm Xheneti." Atëherë Omeri, i cili ishte në të djathtë të Pejgamberit (s.a.v.s.), tha: "Të sakrifikofsha babanë e nënën, po nëse janë dy?" Pejgamberi i Allahut (s.a.v.s.) u përgjigj: "Edhe nëse janë dy."»