٣٩٩٣ - Nga Kurrah bin Ijas përcillet se një burrë vinte te Pejgamberi (s.a.v.s.) dhe me vete kishte një djalë të tij. Pejgamberi (s.a.v.s.) i tha: "A e do atë?" Ai u përgjigj: "Po, o i Dërguari i Allahut, Allahu të dashtë ty ashtu siç e dua unë atë." Pejgamberi (s.a.v.s.) e vuri re mungesën e tij (djalit) dhe tha: "Çfarë u bë me djalin e filanit?" Ata i thanë: "O i Dërguari i Allahut, ai ka vdekur." Atëherë Pejgamberi (s.a.v.s.) i tha babait të tij: "A nuk do të të pëlqente që të mos shkosh te asnjë derë prej derave të Xhenetit, pa e gjetur atë duke të pritur?" Një burrë pyeti: "O i Dërguari i Allahut, a është kjo posaçërisht për të apo për të gjithë ne?" Ai tha: "Përkundrazi, është për të gjithë ju."