٤٠٤٠ - Nga Haxhib ibn Umeri, i cili ka thënë: Hyra bashkë me el-Hakam ibn el-A’raxhin te Bekr ibn Abdullah el-Muzeniu, dhe ata diskutuan çështjen e të vdekurit që dënohet për shkak të vajtimit të të gjallit. Bekri na tregoi e tha: Na ka treguar një burrë prej shokëve të Pejgamberit (s.a.v.s.) – ndonëse Ebu Hurejra e kishte kundërshtuar atë në këtë – e ai tha: Ebu Hurejra ka thënë: "Pasha Allahun, nëse një burrë niset si luftëtar në rrugën e Allahut, pastaj vritet si dëshmor në një skaj të tokës, dhe bashkëshortja e tij, nga mendjelehtësia ose injoranca, merr e vajton mbi të, a do të dënohej vallë ky dëshmor për shkak të vajtimit të kësaj gruaje mendjelehtë mbi të?" Atëherë një burrë tha: "I Dërguari i Allahut (s.a.v.s.) ka thënë të vërtetën, ndërsa Ebu Hurejra ka gënjyer."