٤٠٦٦ - Dhe nga Xhabir bin Abdullahu transmetohet se ka thënë: Ka thënë i Dërguari i Allahut (s.a.v.s.): "Kush hap një varr, Allahu i ndërton atij një shtëpi në Xhenet; kush lan një të vdekur, del nga mëkatet e tij sikur ditën kur e lindi nëna e tij; kush qefinos një të vdekur, Allahu e vesh atë me petka të Xhenetit; kush ngushëllon një të dëshpëruar, Allahu e vesh atë me devotshmëri dhe dërgon bekime mbi shpirtin e tij në mesin e shpirtrave; kush ngushëllon një të goditur nga fatkeqësia, Allahu e vesh atë me dy petka prej petkave të Xhenetit, me të cilat nuk mund të krahasohet e tërë bota; kush ndjek një xhenaze derisa të përfundojë varrimi i saj, i shënohen atij tri kirate, ku secili kirat është më i madh se mali i Uhudit; dhe kush merr nën përkujdesje një jetim ose një vejushë, Allahu e strehon atë në hijen e Tij dhe e fut në Xhenet."