4278
- Dhe nga Abdullahu ka thënë: «Kur t'ju tregoj një hadith, do t'ju njoftoj edhe për vërtetimin e tij. Vërtet, besimtari kur vdes, ulet në varrin e tij dhe i thuhet: Kush është Zoti yt? Cila është feja jote? Kush është Pejgamberi yt? [Allahu e forcon atë] dhe ai thotë: Zoti im është Allahu, feja ime është Islami dhe Pejgamberi im është Muhamedi (s.a.v.s.). Atëherë atij i zgjerohet varri dhe i bëhet hapësirë në të. Pastaj Abdullahu lexoi: ﴿Allahu i forcon ata që besuan me fjalën e qëndrueshme në jetën e kësaj bote dhe në botën tjetër, ndërsa Allahu i lë në humbje zullumqarët﴾ [Ibrahim: 27]».
E ka transmetuar Taberaniu në El-Kebir, dhe isnadi i tij është i mirë.