Transmeton Ebu Humejdi: Isha në një tubim me shokët e të Dërguarit të Allahut (s.a.v.s.) ku ata po diskutonin për namazin e tij. Ai tha: Kur ai bënte ruku, i mbështeste mirë shuplakat mbi gjunjët e tij dhe i hapte gishtat, pastaj e drejtonte shpinën pa e ngritur kokën lart dhe pa e anuar atë. Kur ulej pas dy rekateve, ulej mbi shputën e këmbës së majtë dhe e mbante të ngritur të djathtën, ndërsa në rekatin e katërt, e mbështeste ijën e tij të majtë në tokë dhe i nxirrte të dyja këmbët nga njëra anë.