Transmeton Rifa'a bin Rafi' el-Zuraki: Një ditë po falnim namazin pas të Dërguarit të Allahut (s.a.v.s.). Kur i Dërguari i Allahut (s.a.v.s.) e ngriti kokën nga rukuaja, tha: "Semiallahu limen hamideh" (Allahu e dëgjon atë që e lavdëron Atë). Një burrë që ishte pas të Dërguarit të Allahut (s.a.v.s.) tha: "O Allah, Zoti ynë, Ty të takon lavdërimi, lavdërim i shumtë, i pastër dhe i bekuar". Pasi i Dërguari i Allahut (s.a.v.s.) e përfundoi namazin, pyeti: "Kush ishte ai që foli pak më parë?" Burri u përgjigj: "Unë, o i Dërguari i Allahut". Atëherë i Dërguari i Allahut (s.a.v.s.) tha: "Pashë mbi tridhjetë melekë duke garuar me njëri-tjetrin se cili prej tyre do t'i shkruante i pari ato fjalë".