Transmeton Ebu Hurejre: I Dërguari i Allahut (s.a.v.s.) heshtte mes tekbirit dhe leximit të Kur'anit në namaz. I thashë: "Për ty do t’i jepja fli babanë dhe nënën time! Më trego, çfarë thua gjatë heshtjes sate mes tekbirit dhe leximit?" Ai u përgjigj: "O Allah, më largo prej mëkateve të mia ashtu siç e ke larguar Lindjen prej Perëndimit. O Allah, më pastro prej mëkateve të mia ashtu siç pastrohet rrobja e bardhë nga papastërtitë. O Allah, mi laj mëkatet e mia me borë, me ujë dhe me breshër."