Transmeton Ebu Seid el-Hudriu: Ne e vlerësonim se sa kohë qëndronte në këmbë i Dërguari i Allahut (s.a.v.s.) në namazin e drekës dhe të ikindisë. Vlerësuam se në dy rekatet e para të namazit të drekës ai qëndronte aq sa zgjat leximi i tridhjetë ajeteve, aq sa surja "Elif Lam Mim, Tanzil" (es-Sexhde). Vlerësuam se në dy rekatet e fundit të drekës ai qëndronte sa gjysma e kohës së dy rekateve të para. Gjithashtu vlerësuam se në dy rekatet e para të namazit të ikindisë ai qëndronte aq sa qëndronte në dy rekatet e fundit të drekës, ndërsa në dy rekatet e fundit të ikindisë ai qëndronte sa gjysma e kohës së dy rekateve të para të saj.