Transmeton Ebu Hurejra: I Dërguari i Allahut (s.a.v.s.) ka thënë: "Kushdo që fal një namaz në të cilin nuk lexon Nënen e Kur'anit (el-Fatihanë), ai namaz është i mangët, i mangët, i mangët dhe i paplotë." (Rrëfimtari tha): I thashë: "O Ebu Hurejra, unë ndonjëherë falem pas imamit." Ai ma shtrëngoi krahun dhe më tha: "O persian, lexoje atë në vete, sepse e kam dëgjuar të Dërguarin e Allahut (s.a.v.s.) të thotë: 'Allahu i Lartësuar ka thënë: E kam ndarë namazin mes Meje dhe robit Tim në dy pjesë; gjysma është për Mua dhe gjysma për robin Tim, dhe robit Tim i takon ajo që kërkon'." I Dërguari i Allahut (s.a.v.s.) tha: "Lexoni! Kur robi thotë: 'Falënderimi i takon Allahut, Zotit të botëve', Allahu i Lartësuar thotë: 'Robi Im më lavdëroi'. Kur robi thotë: 'Mëshiruesit, Mëshirëbërësit', Allahu i Lartësuar thotë: 'Robi Im më lartësoi'. Kur robi thotë: 'Sunduesit të Ditës së Gjykimit', Allahu i Lartësuar thotë: 'Robi Im më madhëroi'. Kur robi thotë: 'Vetëm Ty të adhurojmë dhe vetëm prej Teje ndihmë kërkojmë', Allahu thotë: 'Kjo është mes Meje dhe robit Tim, dhe robit Tim i takon ajo që kërkon'. Kur robi thotë: 'Udhëzona në rrugën e drejtë, në rrugën e atyre që i begatove, e jo në të atyre që kundër veti tërhoqën hidhërimin, as në të atyre që humbën', Allahu thotë: 'Kjo është për robin Tim, dhe robit Tim i takon ajo që kërkon'."