5635 - Dhe nga Huxhejri transmetohet se i Dërguari i Allahut (s.a.v.s.) mbajti hutbe në Haxhin e Lamtumirës dhe tha: "O ju njerëz, cili vend është ky?". Ata thanë: "Vend i shenjtë". Ai tha: "Po cili muaj është ky?". Ata thanë: "Muaj i shenjtë". Ai tha: "Vërtet, gjakrat tuaj, pasuritë tuaja dhe nderi juaj janë të shenjta për ju, ashtu siç është e shenjtë kjo ditë e juaja, ky muaj i juaj dhe ky vend i juaj. Le të njoftojë ai që është i pranishëm atë që mungon. Mos u ktheni pas meje në mohues, duke goditur qafat e njëri-tjetrit".

Transmeton Taberaniu në 'El-Kebir' nga transmetimi i Makhshi bin Huxhejrit; dhe nuk kam gjetur dikë që ka shkruar biografinë e tij.