Khabbab ibn al-Aratt - Habab bin el-Eretti - وَخَبَّابِ بْنِ الْأَرَتِّ.

1148 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, i cili ka thënë: Na ka njoftuar Ebu Is'haku, nga Seid bin Vehbi, i cili ka thënë: E kam dëgjuar Hababin duke thënë: «I u ankua Pejgamberit (s.a.v.s.) për nxehtësinë e madhe të tokës (gjatë faljes), por ai nuk na e pranoi ankesën tonë».

1149 - Na ka treguar Ebu Davudi, i cili ka thënë: Na ka treguar Shube, i cili ka thënë: Na ka lajmëruar Ebu Is'haku, i cili ka thënë: Kam dëgjuar Harithe bin Muderribin duke thënë:
«Hymë te Habbabi, i cili ishte mjekuar me djegie (kauterizim), e ai tha: Nuk di askënd që ka pësuar nga sprovat aq sa kam pësuar unë. Kam qëndruar në kohën e Pejgamberit (s.a.v.s.) pa gjetur asnjë dërhem, ndërsa tani në një cep të kësaj shtëpisë sime gjenden dyzet mijë (dërhemë). Sikur të mos ishte se i Dërguari i Allahut (s.a.v.s.) na ka ndaluar, ose ka ndaluar që dikush ta dëshirojë vdekjen, unë do ta kisha dëshiruar atë».

1150 - Na ka treguar Ebu Davudi, i cili ka thënë: Na ka treguar Shube, nga el-Amashi, i cili ka thënë: Kam dëgjuar Ebu ed-Duha-në duke treguar nga Mesruku, nga Habbabi, i cili ka thënë:

«Isha një farkëtar në kohën e injorancës (xhahilijetit) dhe el-As bin Vaili më kishte borxh disa dërhemë. Shkova tek ai për t'ia kërkuar borxhin, e ai më tha: Nuk do të t'i jap derisa të mohosh Muhamedin! Unë i thashë: Nuk e mohoj Muhamedin (s.a.v.s.) derisa të të vdesë Allahu e pastaj të të ringjallë. Ai tha: Më lër derisa të vdes e pastaj të ringjallem, e atëherë do të kem pasuri e fëmijë dhe do të ta shlyej borxhin! Atëherë zbriti ky ajet: ﴿أَفَرَأَيْتَ الَّذِي كَفَرَ بِآيَاتِنَا وَقَالَ لأُوتَيَنَّ مَالاً وَوَلَدًا﴾ “A e ke parë atë që mohon argumentet Tona dhe thotë: ‘Më siguri do të më jepet pasuri dhe fëmijë’?”»